"Бардык билеттер сатылган". Кечээ Бишкектен Москвага көп убакыттык тыныгуудан кийин алгачкы жүргүнчү поезди жөнөп кетти

Кечээ, 18-декабрда Бишкектен Москвага акыркы 4,5 жылда алгачкы жүргүнчү поезди жөнөп кетти. Бул тууралуу "Кыргызтемиржолу" ишканасы билдирди.

Маалымдалгандай, анда бардык билеттер сатылган.

Бишкектен Москвага (Павелецкий станциясына) поезд жумасына эки жолу — шаршемби жана ишемби күндөрү жөнөйт.

Ал эми Москвадан Бишкекке шаршемби жана жекшемби күндөрү жөнөйт.

Белгилей кетсек, билеттин баасы 11 миң сомду түзөт.

Мындан тышкары каттамда 35 пайыздан 5 пайызга чейин арзандатуулар каралган. Бул арзандатуулар төмөнкү шарттарга жараша өзгөрөт:

- вагондун категориясы;
- билеттин сатып алуу мөөнөтү (поезд жөнөгөнгө чейин канчалык эрте сатып алынганына байланыштуу);
- сапардын алыстыгы.