Мэрия Бишкектеги парктардан соода жайларын ижарага берүүдө. Кайсы парктардан? (тизме)

Борбор калаанын сейил бактарынан соода жайлар ижарага берилет. Бул туурасында бүгүн, 19-декабрда мэриядан билдиришти.

Маалымдалгандай, 18-декабрдан баштап 14 паркта балмуздак, суусундук, кофе, попкорн, таттуу кебез жана балдар оюнчуктарын сатуу үчүн орундарды ижарага алуу үчүн арыздарды кабыл алуу башталган.

Төмөнкү парктарда орундар берилет:

• Адинай – 6 орун;
• Ата-Түрк – 5 орун;
• Кайың багы – 4 орун;
• Жаңгак токою – 4 орун;
• Жукеев-Пудовкин сквери – 3 орун;
• Кара жыгач токою – 5 орун;
• Боталиев – 4 орун;
• Ч.Түлөбердиев – 1-орун;
• Фучик – 4 ай;
• Жаштар – 11 орун;
• Кыргызстан жана Корея достук паркы – 2 орун;
• Ынтымак-1 – 3 орун;
• Ынтымак-2 – 7 орун;
• Жеңиш (түштүк дарбаза) – 5 орун.

Бардык суроолор жана толук маалымат боюнча 0312 979 195 телефон номуруна кайрылса боло тургандыгы маалыматта кошумчаланган.