Бишкекте эки күн катар менен Садыр Жапаровдун катышуусунда III Элдик курултай өтөт

Бишкекте 20-21-декабрда өлкө башчы Садыр Жапаровдун катышуусунда III Элдик курултай өтөт. Бул тууралуу президенттин басма сөз катчысы Аскат Алагөзов билдирди.

Маалымдалгандай, курултайга өлкөнүн бардык аймактарынан 700 делегат, ошондой эле Жогорку Кеңештин төрагасы, Министрлер кабинетинин төрагасы жана анын орун басарлары, министрликтердин, ведомстволордун, жалпыга маалымдоо каражаттарынын жана башка уюмдардын жетекчилери катышат.

"Иш-чараны чагылдыруу үчүн 100дөн ашык ЖМК өкүлдөрү аккредитациядан өткөн. Курултайды УТРК, республикалык жана облустук телеканалдар, ошондой эле социалдык тармактардагы баракчалар түз алып көрсөтөт", - деп айтылат маалыматта.

Белгилей кетсек, түз алып көрсөтүү саат 10:00дө башталат.