Орусиялык муз тебүүчүлөр 2026-жылкы Олимпиада оюндарына катышууга уруксат алышты

Эл аралык муз тебүү союзу (ISU) орусиялык көркөм муз тебүүчүлөргө 2026-жылкы Олимпиада оюндарына катышууга уруксат берди, бирок бейтарап статуста гана. Бул тууралуу аталган союздун расмий сайтына жарыяланды.

Коньки тебүү боюнча Олимпиадалык квалификациялык турнир 2025-жылдын сентябрында Кытайда өтөт. Олимпиаданын өзү 2026-жылдын февраль айында Италиянын Милан жана Кортина-д'Ампеццо шаарларында өтөт.

Эскерте кетсек, 2022-жылдын 1-мартынан тарта орусиялык көркөм муз тебүүчүлөр эл аралык мелдештерге катышуудан четтетилген.