Тоңдо балык уулоо менен алектенген кишинин үйү тинтүүгө алынды (видео)

Тоң районунда мыйзамсыз балык уулоо фактылары аныкталды. Бул тууралуу бүгүн, 23-декабрда Ысык-Көл облустук милициясынан билдирди.

Маалыматка ылайык, 20-декабрда Тоң районунун Ак-Сай участогунда жашаган, 1969-жылы туулган Б.С. аттуу жарандын үйүндө тинтүү жүргүзүлгөн. Тинтүү учурунда 3 даана чабак, 28 даана форель, 13 даана судак, 4 даана сига, 7 даана карась балыгы, жалпы узундугу 2450 метрди түзгөн 35 даана синтетикалык балык кармоо торлору жана кайыктын 2 калагы, балык уулоочу каражаттар табылып, далил зат катары алынган.

Мыйзамсыз балык уулоонун кесепетинен келтирилген экологиялык зыянды баалоо үчүн далил заттар тиешелүү мамлекеттик органдарга жөнөтүлгөн. Учурда тергөө амалдары уланууда.