Мэр Жунушалиев Казакстандын II даражадагы Достук ордени менен сыйланды

Бишкек шаарынын мэри Айбек Жунушалиев Казакстандын II даражадагы Достук ордени менен сыйланды. Бул тууралуу бүгүн, 25-декабрда борбор калаа мэриясынын басма сөз кызматы кабарлады.

Маалыматка ылайык, сыйлык Казакстандын президентти Касым-Жомарт Токаевдин жарлыгы менен ыйгарылган.

"Сыйлык эки элдин ортосундагы кызматташтыкты өнүктүрүүгө ар тараптуу көмөк көрсөткөндүгү үчүн тапшырылды", - деп жазылат маалыматта.

Сыйлык тапшыруу иш-чарасы Бишкек шаарынын мэриясында өтүп, аны Казакстандын Кыргызстандагы элчиси Рапил Жошыбаев тапшырган.

Ал эми Айбек Жунушалиев сыйлыкты алып жатып, көрсөтүлгөн жогору ишеним үчүн ыраазычылык билдиргени айтылды.