Баткенде жер титиреди

Кечээ, 26-декабрь күнү Баткен облусунун аймагында жер титирөө катталды. Бул тууралуу Өзгөчө кырдаалдар министрлиги билдирип, жердин силкинүүсү саат 23:22ге туура келгенин тастыктады.

Маалымдалгандай, анын күчү очогунда күчү 3 баллга жеткен.

"Жер титирөө Кадамжай районунун Лангар айылынан түндүк-чыгышка карай 6 чакырым, Эгин-Жай айылынан түштүк-чыгышка карай 7 чакырым, Кара-Оток айылынан түштүк-батышка карай 15 чакырым жана Ош шаарынан түштүк-батышка карай 95 чакырым аралыкта жайгашкан", - деп айтылат билдирүүдө.

Жер титирөөнүн күчү Лангар айылында 2,5 баллга чейин сезилген.

Алдын ала маалымат боюнча, жер титирөөдөн жабыркагандар жана кыйроолор катталган жок.