Бишкекте Хонда Фит унаасы жолдон чыгып кетип даракка жармашып калды (видео)

Бишкекте үрөй учурган жол кырсыгы катталды. Окуянын видеосу социалдык тармактарда тарады.

Маалыматтарга караганда, кырсык 29-декабрга караган түнү борбор калаадагы Алма-Ата көчөсүндө орун алган. Видеодон айдоочу рулга ээ боло албай жолдон чыгып кетип, жолдун четиндеги даракты сүзүп токтогонун көрүүгө болот.

Унаанын ичиндегилер жана алардын абалы тууралуу маалымат жок. Жол кыймылынын коопсуздугун камсыздоо башкармалыгы азырынча маалымат бере элек.