Бишкектеги коомдук транспорттун айрым айдоочуларынан майрамдык маанай (видео)

Бүгүн, 31-декабрда Бишкек шаарындагы коомдук транспорттордун айрым айдоочулары майрамдык маанай тартуулоо иретинде Аяз атанын формаларын кийип тейлейт. Ал эми автобустар грилянды жана жылтырактар менен кооздолуп майрамга шаң берет.

"Бишкек шаардык транспорт" муниципалдык ишканасынын жетекчиси Талант Капаров жалпы кыргызстандыктарды келе жаткан жаңы жылы менен куттуктап, жакшылыктарды каалады.

Белгилей кетсек, майрамды утурлай борбор калаадагы коомдук транспорт 1-январга караган түнү саат 03:00гө чейин иштейт.