Жаңы жылдык дасторконго канча каражат кетет? Азык-түлүктөрдүн орточо баалары

Жаңы жылдын жаңырарына саналуу гана сааттар калды. Учурда ар бир үйдө жаңы жылдык дасторконго азык-түлүк алып, дасторконго коюлуучу керектүү таттууларды, жашылча-жемиштерди алып, даярдык көрүлүүдө. Буга байланыштуу SUPER.KG порталы борбор калаада жайгашкан дүкөндөрдүн бириндеги азык-түлүктөрдүн бааларына саресеп салып, канча акча каражат кетерин билип көрдү.

Ар бир үйдө сөзсүз түрдө оливье салаты жасалат. Ага кетүүчү азык-түлүктөрдүн орточо бааларын билип көрдүк:

- картошканын 1 килограммы 40-45 сом;

- сабиздин, пияздын баасы 35-40 сомду түзөт;

- банкадагы жүгөрү менен горохтун баасы 95-100 сом;

- колбасанын бир даанасы 100-200 сомдун тегерегинде;

- жумуртканын 10 даанасы 123 сомдон 210 сомго чейин.

Ошондой эле жаңы жылдык дасторкондун көркү таттуулар менен эмеспи. Ошол себептен биз таттуулардын да орточо баасына көз чаптырдык:

- печеньенин баасы 270 сомдон 400 сомго чейин;

- конфеттердин баасы 200-1000 сомду түзөт;

торттун кичинекейи 500 сомдон болсо, чоңдору миң сомго чейин сатылууда.

Мындан тышкары биз жемиштердин да бааларына саресеп салдык. Алардын орточо баасы төмөнкүдөй:

- мандариндин баасы 70 сомдон 200 сомго чейин сатылууда;

- алманын баасы 70-100 сомдон болууда;

- ананастын бир даанасынын килограммы 155 сомдон;

- банан баасы 180-200 сомдон сатылууда.