Дубайдан Москвага учуп бара жаткан учак Бакуга шашылыш конду. Себеби (видео)

Дубайдан Москвага учуп бара жаткан учак өзүн агрессивдүү алып жүргөн жүргүнчүнүн айынан шашылыш түрдө Бакуга конууга аргасыз болду. Бул туурасында орус басылмалары жазышты.

Маалымдалгандай, экипаж мүчөлөрү аны буту-колунан байлап койгон. Бирок ал колдорун чечип алып, иллюминаторду сүзө баштаган.

Мындан улам учактын командири Бакуга конуу чечимин кабыл алган. Аэропортко келген соң жүргүнчү кармалган. Ал өзүнө келгенден кийин кылык-жоруктарын эстей албастыгын билдиргендиги маалыматта кошумчаланган.