Түндө "Дордой" базарындагы кампада өрт чыкты (видео)

Бишкек шаарынын "Дордой" базарында жайгашкан кампадан өрт чыкты. Бул туурасында ӨКМдин маалымат борбору билдирди.

Маалымдалгандай, нөөмөт бөлүмүнө 2-январга караган түнү саат 02:09да маалымат келип түшкөн. Тилсиз жоону ооздуктоо үчүн Свердлов райондук №2 ӨКБдан 1 бөлүм, №3 ӨКБдан 1 бөлүм, Октябрь райондук №5 ӨКБдан 1 бөлүм, жана штаб тартылган.

Кошумча саат 02:29да Биринчи Май райондук №8 ӨКБдан 1 бөлүм , жалпы 4 бөлүм жана штаб өрттү өчүрүү иштерин жүргүзгөн.

Өрт саат 03:15те чектөөгө алынып, 04:22де толук өчүрүлгөндүгү маалыматта кошумчаланган.