Ноокенде жоголгон малчыны издөөгө 62 куткаруучу тартылды

Бүгүн, 9-январда саат 07:30дан баштап Жалал-Абад облусунун Ноокен районуна караштуу Сүттү-Булак жайлоосунда жоголгон адамды издөө иштерине 36 куткаруучу, 15 ИИМ кызматкери, 5 мэриянын өкүлү жана жакындарынан 6 жаран тартылды. Бул туурасында ӨКМдин маалымат борбору билдирди.

Маалымдалгандай, издөө иштерин ӨКМдин Жалал-Абад облусу боюнча башкармалыгынын башчысы Абдулнасир Закиров жетектеп, 4 дрон жана спутник байланыш колдонулат. Куткаруучулар керектүү шаймандар менен камсыз болушкан.

Айта кетсек, 15-декабрда 1978-жылы туулган Таш-Көмүр шаарынын М.Д. аттуу тургуну Сүттү-Булак жайлоосуна мал айдап кеткен бойдон дайынсыз болууда. Аны издөө иштери 17-декабрдан бери жүрүп келет.