Милиция Жалал-Абадда жүргөн коңшу өлкөнүн жаранын кармады

Жалал-Абадда экстремисттик материалдарды даярдоого жана таркатууга шектелип коңшу өлкөнүн жараны кармалды. Бул тууралуу облустук милициядан билдирди.

Маалыматка ылайык, шектүү тууралуу маалымат алгандан кийин факты боюнча Кылмыш-жаза кодексинин 332-беренеси (Экстремисттик материалдарды даярдоо, таратуу) менен кылмыш иши козголгон жана 1979-жылы туулган коңшу өлкөнүн жараны кармалган. Бирок облустук милиция шектүү кайсы өлкөнүн жараны экенин ачыктаган жок.

Тергөөдө ал интернет тармагы аркылуу "Хизб ут-Тахрир" (Кыргызстанда тыюу салынган уюм) экстремисттик агымынын материалдарын таркатып жүргөндүгү аныкталган.

Учурда тергөө иштер уланууда.