Москвада дүкөнгө кирген адам эч себепсиз эле ичиндеги адамдарды бычактап салды (видео)

Москва облусунун Щелково шаарчасындагы дүкөндөрдүн биринде бычак менен куралданган адам кишилерге кол салды. Бул тууралуу орус басылмалары Москва облустук полициясына таянып жазып чыгышты.

Маалыматтарга караганда, окуя бүгүн, 13-январда болгон. Кол салуудан үч адам жаракат алып, ооруканага кайрылган. Полиция чакыруу түшкөндө дароо барганын, шектүү мас абалында кармалганын, ал эч себепсиз эле адамдарды бычактаганын маалымдаган. Шектүү Волгоград облусунун 2004-жылы туулган тургуну экени такталды.

Учурда окуянын бардык чоо-жайы иликтенип жатат.