Британиялык мушкер Тайсон Фьюри карьерасын жыйынтыктаганын жарыялады

Британиялык мушкер Тайсон Фьюри карьерасын жыйынтыктады. Ал бул чечимин Х социалдык баракчасы аркылуу билдиргенин чет элдик басылмалар кабарлады.

"Мен бокстан кеткенимди жарыя кылгым келет, бул укмуштуудай болду. Ар бир мүнөтүмдү жакшы өткөрдүм", — деген кайрылуусунда.

Фьюри 2024-жылы украиналык мушкер Александр Усикке эки ирет жеңилген. Биринчи беттеш майда, экинчиси декабрда орун алган. Фьюри 34 жеңиш жана бир тең чыгуу менен эки жеңилүү ызасын тарткан.

Белгиленгендей, 36 жаштагы мушкер буга чейин бир нече ирет карьерасын жыйынтыктаганын айткан. 2016-жылы тыюу салынган заттарды колдонгондугу үчүн жыйынтыктаганын айтып, бирок 2018-жылы кайра спортко кайткан. Экинчи ирет 2022-жылы Диллиан Уайттты жеңгенден кийин боксту таштаарын билдирген. Бирок кайра кайтып келген.