Сузакта 20 жаштагы жигит 54 жаштагы жаранды өлтүрө сүзүп, качып кетти

Жалал-Абад облусунун Сузак районунда 54 жаштагы жаранды сүзүп, качып кеткен айдоочу кармалды. Бул тууралуу бүгүн, 14-январда Жол кыймылынын коопсуздугун камсыздоо башкы башкармалыгы билдирди.

Маалыматка ылайык, окуя 11-январда болжол менен саат 21:10 чамасында болгон. Жабырлануучу ошол жерде көз жумган. Бул факты боюнча издөө иштери жүргүзүлүп, шектүү кылмыштын изи сууй электе Honda CR-V үлгүсүндөгү унаасы менен колго түшкөн.

Шектүүнүн өздүгү такталды. Ал 20 жаштагы Т.А. аттуу жаран болуп чыкты.

Учурда унаа айып короого киргизилип, шектүү Сузак райондук милициясына өткөрүлүп берилди.