Өлкөдө мектеп мугалимдерине 20-январдан тартып ноутбуктар бериле баштайт

3400 даана ноутбук ушул жылдын 20-январынан тартып STEM мугалимдерине бериле баштай. Бул туурасында Билим берүү министрлиги билдирди.

Маалымдалгандай, министрдин орун басары Лира Самыкбаева И. Раззаков атындагы Кыргыз мамлекеттик техникалык университетинин алдындагы технопаркка барып, мугалимдер үчүн бериле турган ноутбуктарды чогултуу процессине күбө болду.

Технопарктын директору Касымбек Келебаев эки күндө 300дөй ноутбукту чогултуп, сыноо тестинде 5 сааттан кем эмес убакыт тургандыгын айткан. Ошондой эле министрликке өткөрүп берүү багытында иштер жүрүп жаткандыгы кошумчаланган.

"Алтын казык" программасынын алкагында ар бир мугалим акысыз ноутбук менен камсыздалат. Азыркы учурда бул ноутбуктарга «Санарип кампа», «Электрондук күндөлүк» тиркемелери киргизилип жатат. Мугалимдер бардык отчётторду электрондук түрдө тапшырууга баратышат. Ал үчүн ар бир мугалимдин жеке ноутбугу болушу керек", – деп белгилеген Самыкбаева.