2024-жылы Кытайдын калкы канчага азайганы айтылды

Коңшу Кытайдын Мамлекеттик статистика бюросунун отчётуна ылайык, Кытайдын калкынын саны 2024-жылдын аягында 1 миллиард 408 миллионго чейин кыскарып, 2023-жылдын аягына салыштырмалуу 1 миллион 390 миңге азайган.

"Кытайдын калкы 2024-жылдын аягында 1 миллиард 408 миллион 280 миң адамды түздү. Бул 2023-жылдын аягына салыштырмалуу 1 миллион 390 миңге аз", - деп айтылат ведомствонун жума күнү жарыяланган отчётунда.

Маалым болгондой, өткөн жылы 9 миллион 540 миң адам төрөлүп, 10 миллион 930 миң адам каза болгон.

Отчётто Кытайда 2024-жылдын аягында жыныстык катыш 104,49 болгон, башкача айтканда, ар бир 100 аялга дээрлик 105 эркек туура келгени айтылат. Өлкөнүн эркектеринин саны 719,09 миллион, аялдардын саны 689,19 миллион.