Бишкекте 38 жаштагы жаран тоноого шектелип кармалды

Бишкекте тоноого шектелип 38 жаштагы жаран кармалды. Бул тууралуу бүгүн, 21-январда шаардык милициянын басма сөз кызматы кабарлады.

Маалыматка ылайык, 17-январда Ленин райондук ички иштер бөлүмунө А.У. аттуу жаран арыз менен кайрылган. Ал ошол эле күнү саат 16:30 чамасында Үмөталиев көчөсүнөн белгисиз адамдар денесине залал келтирип, акчасын жана телефонун тартып алышканын айткан. Келтирилген материалдык зыян жалпысынан 200 миң сомдон ашык сумманы түзгөн.

Бул факты боюнча Кылмыш-жаза кодексинин 206-беренеси (Тоноо) менен кылмыш иши козголгон. Шектүү катары 1986-жылы туулган М.А. аттуу жаран кармалып, убактылуу кармоочу жайга киргизилген.

Учурда шектүүнүн башка кылмыштарга тиешеси бар же жогу такталууда.