Бишкекте компьютердик клубда уктап калган жигит жанындагы адамга телефонун уурдатты (видео)

Бишкек шаарында компьютердик клубдан уурулук жасаган деп шек саналып 36 жаштагы жаран кармалды. Бул тууралуу бүгүн, 22-январда Свердлов райондук ички иштер бөлүмү билдирди.

Маалыматка ылайык, окуя 25-декабрда Восток-5 кичи районунда болгон. Анда шектүү клубда уктап калган баланын 18 миң сомдук Redmi үлгүсүндөгү телефонун уурдап кеткен. Факты боюнча Кылмыш-жаза кодексинин 205-беренеси (Урдоо) менен кылмыш иши козголгон.

Шектүү делген 36 жаштагы жаран кармалып, убактылуу кармоочу жайга киргизилди. Учурда тергөө иштери уланууда.