Таластагы улак тартышта болгон чуулгандуу окуя коомчулуктун талкуусуна түштү (видео)

Социалдык баракчаларда коомчулуктун кыжырын келтирген улак тартыштагы окуянын видеосу тарап, кызуу талкууга түштү. Анда уюштуруучулардын бири оюнга келгендердин арасына акча чачып, алар тартыша түшкөнүн көрүүгө болот.

Түйүндөрдүн колдонуучулары түрдүү комментарий жазышып, мындай жагдай терс көрүнүш экендигин сыпатташууда.

Ал эми окуя Талас обусунун Бакай-Ата районунда орун алгандыгын милициядан тастыкташты. Маалымдалгандай, жабыркагандар болгон эмес.