"Бир нерсе кылуу керек". Илон Маск Европа менен Азия жок болуу коркунучунда экенин айтты

Швециялык журналист жана комментатор Питер Имануэлсен Европадагы аялдарга төрөгөндүгү үчүн ири салык жеңилдиктерин берүү керектигин билдирди. Ал эми америкалык миллиардер Илон Маск мындай сунушту колдой турганын X социалдык тармактагы баракчысына жазды.

"Муну жасап көрүү керек. Бир нерсе кылуу керек, антпесе Европа менен Азия (бул жердин көп бөлүгү) жок болуу коркунучунда", - деп жазган Маск.

Буга чейин ишкер адамдар балалуу болууну азайтса, адамзат бул дүйнөдөн жок болуу коркунучунда экенин айтып, төрөттүн аздыгы Германия менен Европада эң көп байкалып жатканын айткан.