Бишкекте чырдашкан автобустун айдоочулары боюнча милиция үн катты

Бишкекте эки автобустун чырдашкан айдоочулары тергөө кызматына жеткирилди. Бул туурасында Свердлов РИИБинин басма сөз кызматы SUPER.KG портплына билдирди.

Айта кетсек, №169 автобустун айдоочусу бычак менен чуркап чыгып, №135 автобустун дөңгөлөктөрүн сайган видео социалдык тармактарга тараган.

Милициянын айтымында, айдоочулар жүргүнчүлөрдү ташуу учурунда жол талаша кетип, анын негизинде пикир келишпестик орун алган. Жыйынтыгында, №169 автобустун айдоочусу 1990-жылы туулган М.Т. аттуу жаранга Укук бузуулар кодексинин 126-беренеси (Майда бейбаштык) боюнча протокол түзүлүп, иш сотко жөнөтүлгөн.