Бишкекте комуз, микрофон уурдаган жаран видеого түшүп калды

Бишкек шаарында уурулукка шектелип 33 жаштагы жаран кармалды. Бул тууралуу Ленин райондук ички иштер бөлүмү билдирди.

Милициянын маалыматы боюнча, шектүү музыкалык студиянын терезесин сындырып кирип, ал жерден 2 колонка, микрофон, 3 комуз жана Yamaha 550 үлгүсүндөгү музыкалык синтезаторду уурдап кеткен. Келтирилген чыгымдын көлөмү 523 миң сомду түзгөн. Факты боюнча Кылмыш-жаза кодексинин 205-беренеси (Уурулук) менен кылмыш иши козголгон.

Шектүү кармалып, убактылуу кармоочу жайга киргизилген. Тергөөдө ал уурдалган музыкалык аспаптарды өз ыктыяры менен кайтарып берген. Учурда тергөө иштери уланууда.