Өзгөн шаарында ири өрт чыкты (видео)

Бүгүн, 9-февралга караган түнү Өзгөн шаарында ири өрт чыкты. Бул тууралуу Өзгөчө кырдаалдар министрлигинен билдирди.

Маалыматка ылайык, түнкү саат 03:22де Өзгөн шаарынын Ленин көчөсүндө жайгашкан турак үйдөн өрт чыккандыгы тууралуу билдирүү түшкөн. Өрттү өчүрүүгө жалпы 6 бөлүм тартылган.

Тилсиз жоонун кесепетинен “Аура” тамактануучу жайынын жана райондук аскердик комиссариаттын (военкоматтын) кампа имаратынын чатыры күйгөн. Өрт саат 05:23тө чектөөгө алынып, учурда толук өчүрүү иштери жүрүүдө. Өрттөн жабыркаган жарандар катталган жок.

Келтирилген материалдык чыгымдар жана өрттүн келип чыгуу себеби такталууда. ӨКМ толук маалымат берилерин кошумчалады.