Аба ырайы:  Айрым аймактарда кар жаайт

Эртең, 11-февралда Ош, Баткен, Жалал-Абад облустарынын айрым аймактарында кар жаашы күтүлөт. Калган аймактарда жаан-чачын жаабайт. Бул тууралуу Кыргызгидромет борбору кабарлады.

Маалыматка ылайык, шамалдын ылдамдыгы секундасына 2-7 метрге чейин жетет.

Абанын температурасы:

Чүй өрөөнүндө түнкүсүн -3 ... -8, күндүз 0 ... +5;

Талас жергесинде түнкүсүн -3 ... -8, күндүз 0 ... +5;

Баткен, Ош, Жалал-Абад облустарында түнкүсүн -2 ... +3, күндүз +3 ... +8;

Ысык-Көлдө түнкүсүн -6 ... -11, күндүз +1 ... +6;

Нарын дубанында түнкүсүн -15 ... -20, күндүз -1 ... -6;

Бишкекте түнкүсүн -5 ... -7 суук, күндүз +3 ... +5 градус болот.