Кышкы Азия оюндары: Кыргызстандын хоккей боюнча улуттук курама командасы 7-орунду ээледи

Кыргызстандын хоккей боюнча улуттук курама командасы Кытайдын Харбин шаарында өтүп жаткан Кышкы Азия оюндарында 7-орунду ээледи. Бул туурасында Дене тарбия жана спорт департаменти билдирди.

Маалымдалгандай, улуттук курам биринчи айлампада Кувейттин командасын 8:9 эсебинде, экинчи айлампада Бахрейндин командасын 29:0 эсебинде уткан эле. Үчүнчү айлампада Сингапурдун командасын 11:2 эсебинде жеңген.

Улуттук курам төртүнчү айлампада Гонконгдун командасын менен ойноп 6:5 эсебинде жеңип, 1/4 финалдык беттеште Түштүк Кореянын командасына жеңилди.

Эске салсак, хоккей боюнча мелдешке Кыргызстан, Казакстан, Бахрейн, Гонконг, Кувейт, Сингапур, Түштүк Корея, Кытай, Тайвань, Таиланд, Туркменистан, Индия, Макао жана Жапониянын курама командалары катышууда.