Кызыл-Кыя шаарынын тургундары киши тоноого шектелип кармалды

Кызыл-Кыя шаарынын 55 жаштагы тургунун тоногонго шектелип 2 адам кармалды. Бул тууралуу бүгүн, 13-февралда Баткен облустук милициясынан билдирди.

Маалыматка ылайык, милицияга Кызыл-Кыя шаарынын 55 жаштагы тургуну арыз менен кайрылган. Жабырлануучу шаардагы көчөлөрдүн биринде чала тааныш 2 адам аны уруп, колундагы кол телефонун жана капчыгындагы 9600 сом акчасын тартып алганын айткан.

Бул факт боюнча Кылмыш-жаза кодексинин 206-беренесинин (Тоноо ) негизинде кылмыш иши козголгон. Ыкчам-иликтөө иштеринин натыйжасында шектүү катары мурда сот жоопкерчилигине тартылган Кызыл-Кыя шаарынын 36 жаштагы М.А. жана 33 жаштагы Г.А. аттуу тургундары кармалып, убактылуу кармоочу жайга киргизилди.

Учурда тергөө иштери уланууда.