Кеннеди: "Бизде дүйнөдөгү эң оорулуу калк жашайт"

АКШнын саламаттыкты сактоо министри болуп дайындалган Роберт Кеннеди америкалыктарды дүйнөдөгү эң оорулуу эл деп атады. Бул тууралуу чет элдик басылмалар жазып чыгышты.

"Биз дүйнөдөгү дары-дармектердин 70 пайызын сатып алабыз. Башка өлкөлөргө караганда биз саламаттыкты сактоого 2-3 эсе көп каражат жумшайбыз. Бирок бизде көрсөткүч эң начар. Бизде дүйнөдөгү эң оорулуу калк жашайт", - деген ал.

Кеннеди кечээ, 13-февралда Ак үйдө ант берген. Салтанатка АКШнын президенти Дональд Трамп да катышып, ал жаңы министр көйгөйлүү маселелерди чечүүгө тийиш экенин белгилеген.