“Экологияга зыян келтирет”. Норвегияда фермада өстүрүлүп жаткан 27 миң лосось агып кетти

Норвегиянын Тромсё шаарындагы фермалардын биринен массалык түрдө агып кеткен лосось балыктары жапайы жаратылышка коркунуч жаратууда. Бул туурасында экологдорго таянып чет элдик басылмалар жазышты.

Маалымдалгандай, эл аралык Mowi деңиз азыктары фирмасы агып кеткен лосось балыгын кармаган балыкчыларга сыйлык жарыялады.

Жалпысынан 27 миңге жакын балык Норвегияда болгон бороондон улам бузулган капастардан чыгып кетүүгө үлгүрүшкөн. Ар бир лосось үчүн балыкчыларга 500 крон (болжол менен 43 евро) убадаланууда.