Дене тарбия жана спорт агенттигине директор дайындалды

Айбек Абдымомунов Дене тарбия жана спорт мамлекеттик агенттигинин директору болуп дайындалды. Бул туурасында президенттин администрациясынын маалымат кызматы билдирди.

Маалымдалгандай, тийиштүү тескемеге президент Садыр Жапаров кол койгон.

Белгилей кетсек, буга чейин Дене тарбия жана спорт департаменти Маданият, маалымат, спорт жана жаштар саясаты министрлигинен бөлүнүп, өзүнчө Дене тарбия жана спорт мамлекеттик агенттиги болуп өзгөргөн.

Департаменттин башчысы да Айбек Абдымомунов болгон.