Ош шаарына турак жай куруу үчүн Кытай 5 миллион доллар бөлдү

Жогорку Кеңеш тарабынан 2011-жылдын 7-апрелинде Бишкек шаарында кол коюлган, 2010-жылдын июнь окуяларында жабыр тарткан түштүк регионун калыбына келтирүү үчүн 5 миллион доллар суммасындагы акчалай жардам берүү жөнүндө КРнын Өкмөтү менен КЭРдин Өкмөтүнүн ортосундагы макулдашуу бекитилди. Белгилей кетсек, Кытайдан алына турган бул 5 миллион доллар өлчөмүндөгү гранттык каражатка Ош шаарында 66 батирлүү турак жай курулат. Анда иштеген жумушчулардын 70 пайызын кыргыз, ал эми 30 пайызын кытай адистери түзмөкчү. Турак жайдын ар бир чарчы метри болжол менен 926 доллардан айланууда.