АКШ менен Орусиянын Эр-Рияддагы сүйлөшүүлөрү башталды (видео)

Эр-Риядда Орусия менен АКШнын делегацияларынын сүйлөшүүлөрү башталды. Бул туурасында чет элдик басылмалар жазышты.

Тасмадан АКШнын мамлекеттик катчысы Марко Рубио жана Орусиянын тышкы иштер министри Сергей Лавровду көрүүгө болот. Алардын сүйлөшүүсү жабык эшиктер артында өтөт.

Айта кетсек, буга чейин жолугушуу биринчи кезекте орус-америкалык мамилелерди калыбына келтирүүгө арнала тургандыгы айтылган. Мындан тышкары Украинадагы кырдаалды жөнгө салуу маселеси да козголгону турат.

Белгилей кетсек, буга чейин Украинанын делегациясы сүйлөшүүлөргө катышпай тургандыгын украин лидери Владимир Зеленский айткан.