Бишкекте өспүрүм кызды сүзүп, окуя болгон жерден из жашырган айдоочу кармалды 

Бишкекте жашы жете элек кызды сүзүп, окуя болгон жерден качып кеткен айдоочу кармалды. Бул тууралуу бүгүн, 19-февралда Милициянын кайгуул кызмат башкармалыгы билдирди.

Маалыматка ылайык, окуя 16-февраль күнү саат 12:00 чамасында болгон. Анда 17 жаштагы айдоочу Салиева-Кантемиров көчөлөрүнүн кесилишинде Нива үлгүсүндөгү унаасы менен 2013-жылы туулган жашы жете элек кызды сүзүп кеткен. Кыз алган жаракатынан улам ооруканага жаткырылган.

Милициянын ыкчам-издөө иш-чараларынын натыйжасында айдоочунун өздүгү такталып, кармалган. Ал эми унаасы унаа токтотуучу жайга киргизилген.