Премьер-министрдин Баткен облусу боюнча иш сапары башталды

Премьер-министр Жантөрө Сатыбалдиевдин Баткен облусу боюнча иш сапары башталды. Бул тууралуу Өкмөттүн Аппаратынын маалыматтык саясат бөлүмүнөн билдиришти. Баткен облусуна болгон иш сапарында Жантөрө Сатыбалдиев алгач Исфана шаарына барат. Андан соң Катраң айылынын жашоочулары менен жолугушуусу күтүлүүдө. Ошондой эле өкмөт башчы Баткен районунда мамлекеттик чек аранын абалы менен таанышып, Кадамжай районундагы өнөр-жай объектилерине дагы бармакчы.