Бишкекте 30 жаштагы киши бычак жеп, ооруканага жаткырылган. Шектүү кармалды

Бишкек шаарында жарандын ден соолугуна оор залал келтирген деген шек менен 29 жаштагы киши кармалды. Бул тууралуу бүгүн, 25-февралда Биринчи май райондук ички иштер бөлүмү билдирди.

7-февралда милицияга Улуттук бейтапкананын хирургия бөлүмүнө сабалып, бычактан жаракат алган 30 жаштагы жаран жаткырылганы кабарланган. Факты боюнча Кылмыш-жаза кодексинин 130-беренеси (Ден соолукка оор залал келтирүү) менен кылмыш иши козголгон.

Көп узабай шектүү делген киши кармалып, убактылуу кармоочу жайга киргизилген. Учурда кармалган жарандын башка кылмыштарга катыштыгы бар-жогу аныкталууда.