Вирусолог Кытайда жаңы коронавирустун пайда болушу боюнча билдирүү жасады

Биология илимдеринин доктору, орусиялык профессор-вирусолог Александр Шестопалов "Радио-1ге" берген маегинде Кытайда жаңы коронавирустун пайда болушу тууралуу маалыматка комментарий берди.

Адис вирусту изилдөө боюнча так маалымат жок экенин айтты.

"Алар вирусту табышканы жана аны жарганаттардан бөлүп алышканы боюнча эч кандай илимий маалымат жок. Бул оорулуу адамда табылган эмес. Бул табиятта кеңири таралган иш", - деп түшүндүрдү Федералдык илимий изилдөө борборунун вирусология институтунун директору.

Анын айтымында, жарганаттар вирусту адамды чакканда, же мурун, өпкө, ооз аркылуу жугузушу мүмкүн.

"Кээ бир өлкөлөр жарганаттарды жейт. Демек, вирусту жугузуп алуу мүмкүнчүлүгү жогору", - деп кошумчалаган вирусолог.

Ошол эле учурда америкалык эксперттер жаңы коронавирусту адамдын ден соолугуна коркунуч катары тааныган жок. Бул тууралуу ABC телеканалы АКШнын Саламаттыкты сактоо министрлигинин Ооруларды көзөмөлдөө жана алдын алуу борборлорунун билдирүүсүнө таянуу менен билдирди.

Буга чейин кытайлык вирусологдор жарганаттардан адамга жугуу коркунучу бар жаңы коронавирус табышканы кабарланган. Вирустун бул түрү Гонконгдогу жарганаттардын бир түрүнөн табылган. Вирус HKU5-CoV-2 деп аталды.