Эс алуу күндөрү Бишкек шаарынан 150 куб таштанды чыгарылды

Эс алуу күндөрү, тагыраак айтканда, 1-8-январь аралыгында “Тазалык” ишканасы Бишкек шаарынан 150 куб таштанды чыгарды. Бул тууралуу бүгүн, 9-январда аталган мекеменин басма сөз кызматы билдирди.

Маалыматка ылайык, 60 көчө шыпыргыч жана 10 таштанды чыгаруучу унаа борбордук көчөлөрдү тазалоодо кызмат кылды. 1-9-январда Бишкектин жолдоруна 940 тонна кум жана 93 тонна туз себилген.