Өлкөдө ашуулардагы чектөөлөр алынды

Бүгүн, 27-февралда ɵлкө аймагындагы стратегиялык автожолдордо, ашууларда жол ачык, каттам бар. Бул туурасында Транспорт жана коммуникациялар министрлигинин маалымат кызматы билдирди.

Маалымдалгандай, кечки саат 19:00дө “Арал” постуна киргизилген убактылуу чектɵɵ алынды. Учурда Бишкек–Ош унаа жолундагы Төө-Ашуу, Ала-Бел, Көк-Бел, Тараз–Талас–Суусамыр автомобиль жолундагы Өтмөк ашууларында, Бишкек–Нарын–Торугарт автомобиль жолундагы Долон, Кызыл-Бел жана Ат-Башы районундагы Ак-Бейит, Түз-Бел, Торугарт ашуусунда каттам бар, жол ачык.

Жолчулар тарабынан тынымсыз инерттик материалдарды себүү, жолго түшкөн кар күрткүлөрүн тазалоо, жол жээгин кеңейтүү иштери үзгүлтүксүз жүрүп жаткандыгы маалыматта кошумчаланган.