Ырчы, дастанчы Азиз Батыров уулдуу болду (видео)

Ырчы, дастанчы Азиз Батыров үчүнчү ирет ата статусуна ээ болуп, уулдуу болду. Бул тууралуу ырчы мырза SUPER.KG порталына билдирди.

Ырчы мырзанын айтымында, учурда эне-баланын абалы жакшы. Үчүнчү наристеси бүгүн, 28-февралда жарык дүйнөгө келген.

"Бул, буюрса, менин үчүнчү наристем. Буга чейин бир уул, бир кызым бар эле, үчүнчүсүндө дагы уулдуу болдум. Балам бүгүн, 28-февраль күнү эртең менен төрөлдү. Учурда жубайымдын да, баламдын дагы абалы жакшы. Азыр жакындарым, досторум, ата-энем менен баарыбыз майрамдап жатабыз", - дейт ал.

Айта кетсек, Азиз Батыров менен жубайы 2020-жылы тун наристелүү болушкан.