Кыргызстан менен Эфиопиянын Түркиядагы элчилери жолукту

Кыргызстандын Түркиядагы элчиси Руслан Казакбаев менен Эфиопиянын Түркиядагы элчиси Адем Мухамед Махмуддун жолугушуусу болуп өттү. Бул тууралуу ТИМдин маалыматында айтылат.

Анда тараптар Кыргызстан менен Эфиопиянын ортосундагы эки тараптуу жана көп тараптуу кызматташтыктын актуалдуу маселелерин жана Түркия менен өз ара аракеттенүүнү талкуулашты.

"Жолугушууда экономикалык кызматташтыкты түзүү, анын ичинде соода мамилелерин түзүү жана инвестиция тартуу мүмкүнчүлүктөрүн изилдөө маселелерине өзгөчө көңүл бурулду. Ошондой эле туризм тармагындагы кызматташуу потенциалы талкууланды.

Тараптар өнөктөштүктү мындан ары өнүктүрүү үчүн келишимдик-укуктук базаны чыңдоонун маанилүүлүгүн белгилешти.

Мындан тышкары Кыргызстан менен Африка өлкөлөрүнүн ортосундагы кызматташуу маселелери, анын ичинде 2027-2028-жылдарга БУУнун Коопсуздук кеңешинин туруктуу эмес мүчөлүгүнө Кыргызстандын талапкерлигин жылдыруу маселеси кеңири талкууланды", - деп жазылат маалыматта.

Анын жыйынтыгында эки тараптуу кызматташтыкты бекемдөөгө жана кеңейтүүгө багытталган биргелешкен иш-чараларды өткөрүү боюнча макулдашууларга жетишилди.