"Бузуп ыргытып..." Ошто мыйзамсыз курулуштарды алып салуу иштери кызуу жүрүп жатат (видео)

Ош шаарында кызыл сызыкка чыгып кеткен курулуштарды алып салуу иштери кызуу жүрүп жатат. Бул туурасында мэриядан кабарлашты.

Маалымдалгандай, учурда ХБК кичи шаарчасындагы Салиева көчөсүндө жолдорду кеңейтүү иштери жүрүүдө. Алгач жергиликтүүлөргө түшүндүрүү иштери жүрүп, өздөрү тазалабаган жерлер тийиштүү кызматтар тарабынан бузулууда.

Белгилей кетсек, Ош шаарына жаңы барган мэр Жеңишбек Токторбаев көчөлөрдү кыдырып, таңкы рейддерди уюштурууда.