Милиция жарандардан ири алдамчылык кылгандарды табууда көмөк сурайт

Бишкек шаарында алдамчылыкка шектелгендер изделүүдө. Бул тууралуу бүгүн, 10-мартта Ленин РИИБинен кабарлады.

Маалымдалгандай, милиция кайрылган шаар тургуну 25-февраль күнү саат 15:00-16:00 чамасында Бейшеналиев менен Киев көчөлөрүнүн кесилишинен белгисиз адамдарга миллион сомун алдатып ийгенин айткан. Алар анын акчасын жасалма алтын тыйындарга алмаштырып, андан соң из жашырып кетишкен.

Бул факты боюнча Кылмыш-жаза кодексинин 209-беренеси (Алдамчылык) менен кылмыш иши козголду. Учурда кылмышка шектүүлөрдүн өздүгүн жана жайгашкан жерин аныктоо иштери уланууда.

Милиция шектүүлөр тууралуу маалыматы бар жарандарды жакынкы милиция бөлүмүнө же 0707 143 471, 0 700 050 505 номурларына кабарлап коюуну өтүнөт.