Сирия бийлиги Латакия менен Тартусда абал турукташканын билдирди

Сириянын Коргоо министрлигинин өкүлү Хасан Абдельгани өткөн аптадан бери коопсуздук күчтөрү менен алавиттик отряддардын ортосунда кагылышуу болуп жаткан Латакия жана Тартус провинцияларында абал турукташканын билдирди. Бул туурасында чет элдик басылмалар жазышты.

Маалдымдалгандай, өкмөттүк күчтөр аскердик операцияны аяктап, мурунку режимдин калдыктарынын ячейкаларын нейтралдаштыра алышканн айткан.

Белгилей кетсек, 6-марттан бери Сириянын коопсуздук күчтөрү менен Дамасктын жаңы өкмөтүнө каршы куралдуу топтордун ортосунда айыгышкан кагылышуулар жүрүүдө. Сириядагы адам укуктарына байкоо салган бейөкмөт уюмунун (SOHR) акыркы маалыматтарына караганда, соңку күндөрү Сириянын жээктеринде алавит жамаатынан 830 жай тургун каза болгону айтылды. Ал эми коопсуздук күчтөрүнүн 231 кызматкер набыт болгон.