"Ливерпуль" клубунун жылдыз оюнчулары маанилүү оюндун алдында тиреше кетишти (видео)

Египеттик чабуулчу Мохаммед Салах менен британиялык коргоочу Трент Александр-Арнольд "Ливерпуль" клубунун машыгуу базасында машыгуу өткөрүп жатып тиреше кетишти.

Социалдык тармактарда жарыяланган видеодо эки футболчу машыгуу учурунда бири-бири менен кайым айтышып тиреше кетишкенин көрүүгө болот. Алардын ортосуна командалаштары арачага түшүшкөн.

Көптөгөн басылмалар англиялык клубда маанилүү оюндун алдында маанай анча эмес экенин жазышты.

Белгилей кетсек, эртең, 12-мартка караган түнү "Ливерпуль" клубу Чемпиондор Лигасынын 1/8 финалында франциялык "ПСЖ" клубун кабыл алат.

Парижде өткөн эки команданын биринчи оюну 0:1 эсебинде англиялык клубдун жеңиши менен аяктаган.