Ошто апасы менен жүргөн 17 жаштагы дагы бир кыз дайынсыз жоголду

Ош шаарында 17 жаштагы Роза Мамасадыкова дайынсыз жоголду. Бул тууралуу Ош шаардык ички иштер башкармалыгы кабарлады.

Милициянын маалыматына ылайык, 2008-жылы туулган Роза Мамасадыкова 8-март күнү саат 12:00 чамаларында Ош шаарындагы А.Навои мектебинин маңдайында жайгашкан аялдамада бир аз туруп, апасынын алаксып калганынан пайдаланып, түндүк тарапка карай басып кеткен боюнча үйүнө кайрылган эмес.

Кийген кийимдери: Башында кара жоолук, үстүндө кара жемпир, кара шым болгон. Бутунда кышкы кара түстөгү бут кийим.

Ош ШИИББи дайынсыз жоголгон кыз тууралуу маалыматы барларды төмөндөгү телефон аркылуу кабарлап коюуну өтүнөт. 03222) 4-82-82, 0990-90-79-18.

Буга чейин дагы Ошто апасы менен автобуста кетип бара жаткан кыз дайынсыз жоголгону кабарланган.