Билим берүү министри: "1-класска балдарды кабыл алууда эч кандай экзамен болбойт"

Балдарды 1-класска кабыл алууда эч кандай тандоо жана кирүү экзамени өткөрүлбөйт. Бул тууралуу билим берүү жана илим министри Догдуркүл Кендирбаева бүгүн, 14-мартта Жогорку Кеңештеги "Мекенчил" депутаттык тобунун жыйынында билдирди.

Ал белгилегендей, министрлик ата-энелердин жашаган жери боюнча каттоосуна ылайык, мамлекеттик электрондук кызмат көрсөтүүлөр порталы аркылуу балдарды 1-класска жана 2-класска автоматтык түрдө кабыл алууну камсыздайт. Бул процесс эч кандай сертификатсыз жана сынаксыз өткөрүлөт.

Мыйзамга ылайык, мектептерде окуучуларды тандоо процесси каралган эмес, бардык балдар билим алуу мүмкүнчүлүгүнө тең укуктуу.