Бишкектеги Чыңгыз Айтматов проспектисинин бир бөлүгү ремонт иштерине байланыштуу жабылды (видео)

Бүгүн, 17-мартта Бишкектеги Чыңгыз Айтматов проспектисинин Масалиев жана Семетей көчөлөрүнө чейинки аралыгы ондоп-түзөө иштерине байланыштуу жабылды. Бул туурасында милициянын кайгуул кызматы эскертти.

Маалымдалгандай, Масалиев жана Семетей көчөлөрүнүн Айтматов проспектиси менен кесилишкен жерлери унаа кыймылдары үчүн ачык болот.

Андыктан №8 жана №55 автобустардын кыймылы өзгөрүп, Баха тарапка убактылуу жылдырылгандыгы маалыматта кошумчаланган.