Мунарбек Сейитбек уулу баштаган курама Кытайда машыгуу өткөрүп жатат

Кыргызстандын бокс боюнча улуттук курама командасынын мүчөлөрү Кытайдын Үрүмчү шаарында өтүп жаткан эл аралык окуу-машыгуу жыйынына катышууда. Бул тууралуу Мамлекеттик дене тарбия жана спорт департаменти билдирди.

Маалыматка ылайык, 19-март күнү башталган машыгуу 30-мартка чейин созулат.

Машыгуу өткөрүп жаткан курама команданын тизмеси:

- Анваржон Ходжиев - 51 килограмм,

- Санжай Сейдакматов, Зафарбек Камилов - 54 килограмм,

- Тургунбек Иманкадыров, Ислам Төрөбаев - 57 килограмм,

- Оомат Белекбаев, Мунарбек Сейитбек уулу, Омар Ливаза - 63,5 килограмм,

- Элдар Турдубаев, Алмаз Орозбеков - 71 килограмм,

- Өмүрбек Бекжигит уулу - 80 килограмм,

- Бакыт Токтосун уулу - 92 килограмм,

- Мырзакир Кошалиев - 92+ килограмм,

Машыгуу улук машыктыруучу Акыйкат Абаевдин жана башкы машыктыруучу Данияр Төлөгөн уулунун көзөмөлүндө уланып жатат.

Ошондой эле окуу-машыгуу жыйыны Спорттун олимпиадалык түрлөрү боюнча дирекциясынын 2024-жылга алынган календардык планына ылайык өткөрүлүп жатканы кошумчаланды.